ТФТ втора година по ред го организира Меморијалниот турнир „Андреј Грковски – Тафта“

Меморијален турнир „Андреј Грковски – Тафта“ ️

 20-21 септември 2025
 СРЦ Кале, Скопје
 Организатор: КК ТФТ

КК ТФТ Скопје со голема чест и посветеност и оваа година го организира меморијалниот турнир „Андреј Грковски – Тафта“, во чест на нашиот прерано заминат пријател, симпатизер и искрен љубител на кошарката – Андреј Грковски, познат како Тафта.

Овој турнир е многу повеќе од спортски настан. Тоа е момент на сеќавање, благодарност и хуманост. Во негово име и спомен, турнирот ќе има хуманитарен карактер, а сите средства собрани од настанот ќе бидат донирани на семејството на Андреј.

Распоред на натпревари

️ Сабота, 20 септември

• 17:00 ч. — МЗТ Скопје vs Тиквеш

• 19:30 ч. — ТФТ vs Кожув

️ Недела, 21 септември

• 17:00 ч. — Натпревар за 3-то место

• 19:30 ч. — Финале

Повик до јавноста

Ги повикуваме сите љубители на кошарката, пријатели на Андреј и сите кои веруваат во моќта на заедништвото и хуманоста, да ни се придружат на овој настан.

Да бидеме дел од нешто поголемо од спортот – заедно да се потсетиме, да оддадеме почит и да помогнеме.

 Те паметиме, Тафта.