ТФТ ПРОТИВ МЗТ СКОПЈЕ ВО ФИНАЛЕТО ОД “МЕМОРИЈАЛНИОТ ТУРНИР АНДРЕЈ ГРКОВСКИ ТАФТА”

Противник на ТФТ Скопје во финалето од турнирот ќе биде екипата на МЗТ СКОПЈЕ АЕРОДРОМ. Во првото полуфинале од турнирот “Андреј Грковски Тафта” екипата на ТФТ го совлада Кожув со 78-72. Дуелот беше многу израмнет, финишот беше неизвесен, на три минути пред крајот резултатот гласеше 71-71 и ТФТ дури во последните 30-тина секунди го скрши отпорот на противникот.

Гринли со 19 поени беше најефикасен кај ТФТ, но се остакнаа и Николов со 15 поени и 12 скока и Зафиров со 15 поени и 11 скока. Кај Кожув, Фран Прилепиќ постигна 21 поен, а Поповиќ оствари дабл дабл со 20 поени и 11 скока, но и загуби седум топки.

Во вториот полуфинале натпревар екипана на МЗТ СКОПЈЕ АЕРОДРОМ полесно од очекувањата го совлада тимот од Градски Парк, екипата на РАБОТНИЧКИ со резултат 67:52 во корист на екипата од Аеродром.

Војдан Стојановски беше единствен со двоцифрен ефект кај МЗТ Скопје со 10 поени, но во листата на стрелците се запишаа 10 од 11 кошаркари кои добија минутажа. Имран Полутак од Работнички беше најдобар стрелец на натпреварот со 12 поени.

Во мечот за третото место, денес од 16:00 часот ќе се сретнат Работнички и Кожув, а од 19:00 часот е финалето меѓу ТФТ и МЗТ Скопје.

Следи го натпреварот за 3то место помеѓу екипите на КК КОЖУВ и КК РАБОТНИЧКИ во живо:

Статистика во живо од натпреварот 

Следи го финалето помеѓу екипите на КК МЗТ СКОПЈЕ АЕРОДРОМ и КК ТФТ СКОПЈЕ во живо:

Статистика во живо од натпреварот